Экспортты ілгерілету, инновацияларды дамыту, өнеркәсіп кәсіпорындарын қолдау - «QazIndustry» Қазақстандық индустрия және экспорт орталығы» АҚ-ның басты міндеттері.

Ағымдағы жылдың қаңтар-тамыз айлары аралығында акционерлік қоғам индустриялық-инновациялық қызмет субъектілеріне (кіріс телефон қоңыраулары) еңбек өнімділігін арттыруға бағытталған шығындардың бір бөлігін өтеу шарттарын түсіндіру бойынша 273 ауызша консультация өткізді.

Бұдан басқа, «KazakhExport» ЭСК» АҚ - мен, Astana Hub-пен бірлесіп Павлодар, Ақмола, Алматы, Солтүстік Қазақстан, Қарағанды, Түркістан, Қостанай және Батыс Қазақстан облыстары мен Шымкент және Нұр-сұлтан қалаларының өнеркәсіптік кәсіпорындары үшін 19 онлайн-вебинар өткізілді.

Сондай-ақ, республиканың 7 өңірінде: Алматы, Түркістан, Маңғыстау, Солтүстік Қазақстан және Павлодар облыстары мен Алматы және Шымкент қалаларында өнеркәсіптік кәсіпорындар үшін «Өнеркәсіпті мемлекеттік ынталандыру шаралары» тақырыбына семинарлар ұйымдастырды. Семинарға 320-дан астам адам қатысты.

2022 жылдың қаңтар-тамыз айларында еліміздің 16 облысынан жалпы 293 өтінім келіп түсті. Ең көп өтінім түскен қала – Астана (87 өтінім, 1-кесте). Салалық бөліністе машина жасау саласы көш бастап тұр. Айта кету керек, экономиканың барлық салаларын басым секторлар арқылы қолдау ағымдағы жылы маусым айында ҚР Индустрия және инфрақұрылымдық даму министрлігімен бекітілген басым тауарларға дейін кеміді. Бұл тізбе өңдеу өнеркәсібінің 3800 астам тауарынан тұрады. Осы тізбеден тауарлар өндіретін шағын және орта кәсіпорындар уәкілетті органмен Бәсекелестікті арттыру туралы келісім жасауға өтініш бере алады.

Келіп түскен 293 өтінімнің 35-нің шығындарын өтеу туралы шешім қабылданды. Кәсіпорындар шығындарының бір бөлігін өтеу Қазақстан Республикасының аумағында пайдалануға рұқсат етілген жалпыға бірдей танылған халықаралық стандарттарға сәйкес жүргізіледі.

Қосымша

Өңірлік бөліністе:

           Салалық бөліністе: