Шығындардың бір бөлігін өтеуге 435 өтінім түсті, оның ішінде:

- 72 өтінім бойынша өтеу туралы шешім қабылданды (2021 жылы мақұлданған 3 өтінімдерді ескере отырып);

- 347 өтінім бойынша мемлекеттік қызметті көрсетудің мүмкін еместігі туралы шешім қабылданды.

Өтеудің жалпы сомасы 422,87 млн. теңгені құрайды.

Ақпараттық-кеңестік іс-шаралар шеңберінде 2022 жылы қаңтар-желтоқсан аралығында:

- индустриялық-инновациялық қызмет субъектілеріне (кіріс телефон қоңыраулары) еңбек өнімділігін арттыруға бағытталған шығындардың бір бөлігін өтеу шарттары мен тетіктерін түсіндіру бойынша 416 ауызша консультация өткізілді, Қазақстанның 104 өнеркәсіптік кәсіпорнына барды;

- қолдау құралдарын ұсыну шарттары мен тетіктері бөлігінде мемлекеттік ынталандырудың жаңа шаралары бойынша мемлекеттік органдар мен ұйымдар үшін 5 іс-шара өткізілді;

- «QazIndustry» АҚ республиканың келесі өңірлерінде: Алматы, Түркістан, Маңғыстау, Солтүстік Қазақстан, Ақтөбе, Абай, Шығыс Қазақстан және Павлодар, Қарағанды, Жамбыл облыстары мен Алматы және Шымкент қалаларында өнеркәсіптік кәсіпорындар үшін қоғам көрсететін «өнеркәсіпті мемлекеттік ынталандыру шаралары» тақырыбына 15 семинарлар ұйымдастырды;

Бұдан басқа, «KAZAKH INVEST» ұлттық компаниясы» АҚ, «QazTrade» сауда саясатын дамыту орталығы» АҚ, Қазақстан Республикасының «Атамекен» Ұлттық Кәсіпкерлер палатасымен, «KazakhExport» экспорттық сақтандыру компаниясы» АҚ, «Даму «кәсіпкерлікті дамыту қоры» АҚ, «Астана» халықаралық қаржы орталығы», «Қазақстандық мемлекеттік жеке меншік әріптестік орталығы» - мен бірлесіп Павлодар, Ақмола, Ақтөбе, Атырау, Шығыс Қазақстан, Алматы, Солтүстік Қазақстан, Қарағанды, Маңғыстау, Жетісу, Түркістан, Қостанай және Батыс Қазақстан облыстары мен Шымкент және Астана қалаларының өнеркәсіптік кәсіпорындары үшін 38 вебинарлар өткізілді.