2023 жылғы қаңтар-қыркүйек айларында резеңке және пластмасса бұйымдарын өндіру көлемі 328,6 млрд теңгені құрады, бұл өткен жылдың сәйкес кезеңіндегі көрсеткіштен 12,1% - ға жоғары.

Есепті кезеңде пластмасса плиталар, табақтар, құбырлар мен профильдер - 42,2%, құрылыс пластик бұйымдары - 19,7%, өзге де пластик бұйымдар - 16,3%, тауарларға арналған пластмасса қаптамалар - 15%, өзге де резеңке бұйымдар - 6,4% өндірілген.

Өндіріс көлемінің заттай көріністегі ең үлкен өсімін полиэтиленнен жасалған қаптар мен сөмкелер (+2,6%); пластмассадан жасалған құбырлар, түтіктер, жеңдер мен шлангілер (5,1%) өндірісі көрсетіп отыр. Бұл тауарлардың өсуі тұтынушылық сұраныстың артуымен байланысты.

Резеңке және пластмасса өнімдерінің экспорты 2023 жылдың қаңтар-тамыз айларында қаржылық мәнде 2022 жылдың ұқсас кезеңімен салыстырғанда 2,5 есеге ұлғайып, $ 253,4 млн құрады.

2023 жылғы қаңтар-шілдеде резеңке және пластмасса бұйымдары нарығының көлемі $ 2 041 млн (920,7 млрд теңге) құрады, бұл 2022 жылғы ұқсас кезеңмен салыстырғанда 18% - ға артық.

2023 жылғы қаңтар-қыркүйекте резеңке және пластмасса бұйымдарының ең көп көлемі Алматы облысында (22,2%), Астана (19,2%), Алматы (11,6%) қалаларында, сондай-ақ Қарағанды облысында (8%) және Шымкент қаласында (5,9%) өндірілді.