Құрметті кәсіпкерлер! ARC Informatique француз компаниясы мен «QazIndustry» Қазақстандық индустрия және экспорт орталығы Сіздерді өнеркәсіптік процестерде заманауи технологияларды қолдану мәселелері бойынша Астана және Алматы қалаларында өтетін конференцияларға қатысуға шақырады.

Іс-шара барысында кәсіпорындарға басқаруды оңтайландыру, тиімділікті және сапаны арттыруды қамтамасыз етуге көмектесетін және өнеркәсіптік процестерді автоматтандыру мен бақылау үшін пайдаланылатын PcVue платформасы таныстырылады.

Сондай-ақ, конференциялар шеңберінде SCADA заманауи технологияларын қолдану мәселелері талқыланып, деректерді автоматтандыру мен басқарудағы инновациялар, PcVue жүйесін интеграциялаудың үздік тәжірибелері ұсынылады.

Конференциялар:

- Астанада - 29 қазан, сағат 10.00 (Ibis Astana қонақ үйі);

- Алматыда -1 қараша, 10.00 (Holiday Inn Express Almaty).

Қатысу үшін келесі сілтеме бойынша тіркелу қажет: https://www.pcvue.com/news/conferences-in-kazhakstan/.

Естеріңізге сала кетейік, «QazIndustry» Қазақстандық индустрия және экспорт орталығының цифрлық трансформация дирекциясы ҚР Өнеркәсіп және құрылыс министрлігімен бірлесіп, өнеркәсіп кәсіпорындарын цифрландыру туралы ақпараттандыру және цифрлық технологияларды өндіріске енгізуге көмек көрсету бағытында тиісті жұмыстар жүргізеді.  

Осы бағытта ағымдағы жылдың басынан бері Индустрия 4.0 бойынша вебинарлар мен оқыту іс – шаралары, офлайн семинарлар мен панельдік сессиялар және т.б.  бірқатар іс-шаралар ұйымдастырылды.