2024 жылдың қаңтар-қазан айларында ерлердің костюмдері мен жиынтықтарының (трикотаждан басқа) өндірісі 68,5%-ға артып, 104,1 мың дананы құрады. Бұл туралы «QazIndustry» АҚ Жеңіл өнеркәсіп, ағаш өңдеу, жиһаз өнеркәсібін және құрылыс материалдары өндірісін дамыту дирекциясы хабарлады.

Өндірістің негізгі бөлігі Жетісу облысына тиесілі – 64,7 мың костюм (62%). Сонымен қатар, Астанада 18,4 мың (18%), ал Солтүстік Қазақстан облысында 8,4 мың костюм (8%) тігілген.

Ерлер костюмдерін өндіретін негізгі компаниялар қатарында «Казлегпром-Алматы» ЖШС, «Glasman», «Арайлы», «ТФ Ажар», «Жібек Н.М.» және «Astana Ютария ltd» ПИК бар.

Ерлер костюмдері мен жиынтықтарының өндіріс көлемі

(трикотаждан басқа)

Дереккөз: ҚР СЖРА ҰСБ.