2025 жылдың қаңтар-наурыз айларында еліміздегі тауарлы бетон өндірісі өткен жылдың осы кезеңімен салыстырғанда 40,4 % - ға артқан. Бұл туралы «QazIndustry» АҚ Жеңіл өнеркәсіп, ағаш өңдеу, жиһаз өнеркәсібін және құрылыс материалдары өндірісін дамыту дирекциясы хабарлады.

Ағымдағы жылдың бірінші тоқсанында республикада 4 662 452 тонна тауарлы бетон өндірілген. Өткен жылдың сәйкес кезеңінде бұл көрсеткіш - 3 320 468 тоннаны құраған.

Өндіріс көлемінің артуына Алматы қаласы негізгі үлес қосты. Мұнда бетон өндіру көлемі екі есеге артқан.

Елдегі тауарлық бетонның негізгі өндірушілері – Алматыдағы «Асфальтобетон-1», Астанадағы «Center Beton Company», сондай-ақ Қарағанды облысындағы «ККК Бетон» және басқа да кәсіпорындар.

Тауарлық бетон өндірісінің көлемінің динамикасы

Дереккөздер: ҚР СЖРА ҰСБ