Құрметті өтінім берушілер!

Ағымдағы жылдың 26 сәуірінен бастап өнеркәсіпті мемлекеттік ынталандыру шараларын ұсынуға өтінімдерді қабылдау «Өнеркәсіптік-инновациялық қызмет субъектілерінің еңбек өнімділігін арттыруға бағытталған өнеркәсіпті мемлекеттік ынталандыру шараларын ұсыну қағидаларын бекіту туралы» Қазақстан Республикасы Индустрия және инфрақұрылымдық даму министрінің 2022 жылғы 1 маусымдағы №308 бұйрығына (Қазақстан Республикасы Өнеркәсіп және құрылыс министрінің 2025 жылғы 18 ақпандағы №55 бұйрықпен) енгізілген өзгерістер мен толықтыруларға сәйкес жүргізіледі.

Ережелерге келесі өзгерістер мен толықтырулар енгізілген:

1)    8-ші тармақтың 2-ші абзацына сәйкес, «Осы Қағидалар

шеңберінде мемлекеттік ынталандыру шараларын ұсынуды жүзеге асыру үшін тиісті қаржы жылына арналған республикалық бюджетте көзделген ақшалай қаражат толық игерілген кезде ұлттық институт ағымдағы шотқа қаражат түскенге дейін өтінімдерді қабылдауды тоқтатады.»

2)    28-1-тармақтың үшінші абзацы мынадай редакцияда жазылсын:

"шығындарды өтеудің мүмкін еместігі туралы өтініш берушіге алдын ала шешім бойынша ұстанымын білдіру мүмкіндігі үшін тыңдауды өткізудің тиісті негіздемесі, уақыты мен орны (тәсілі) бар хабарлама жібереді. Істі қарау туралы хабарлама мемлекеттік қызмет көрсету мерзімінің аяқталуына кемінде 3 (үш) жұмыс күнінен бұрын жіберіледі. Істі тыңдау хабарлама жіберілген күннен бастап 2 (екі) жұмыс күнінен кешіктірілмей өткізіледі. Тыңдау нәтижелері бойынша ұлттық институт шығындарды өтеу мүмкіндігі немесе мүмкін еместігі туралы түпкілікті шешім қабылдайды.";

3)    45, 51, 57, 57-6, 57-12 тармақтар мынадай редакцияда жазылсын: 

"Шығындарды өтеу мүмкін еместігіне негіздер анықталған жағдайда, ұлттық институт өтініш берушіге шығындарды өтеу мүмкін еместігі туралы алдын ала шешім туралы хабарлайды, сондай-ақ тыңдау өткізу уақыты мен орны (тәртібі). Алдын ала шешім бойынша өтініш берушінің ұстанымын білдіру мүмкіндігі. Істі қарау туралы хабарлама мемлекеттік қызмет көрсету мерзімінің аяқталуына кемінде 3 (үш) жұмыс күнінен бұрын жіберіледі. Істі тыңдау хабарлама жіберілген күннен бастап 2 (екі) жұмыс күнінен кешіктірілмей өткізіледі.";

4)    1-қосымшадағы 14-тармақ келесі редакцияда жазылсын:

«Өтінім берілген күнге соңғы 3 (үш) жылдағы салық аударымдарын көрсету. Осы тармақтың талабы қолданыстағы заңнамаға сәйкес салық төлеуден босатылған және/ немесе тіркелген күнінен бастап ұлттық институтқа өтінім түскен күнге дейін күнтізбелік үш жылдан аз уақыт өткен өнеркәсіптік-инновациялық қызмет субъектілеріне қолданылмайды.»