Жеңіл өнеркәсіп өнімін өндіру көлемі 2025 жылы 259,5 млрд теңгені құрады, бұл номиналды мәнде 2024 жылдың ұқсас кезеңінің деңгейіне қатысты 22,6% - ға өсуді көрсетеді. Өсім тоқыма бұйымдарының өндірісінде (42%), былғары және оған қатысты өнімдер өндірісінде (1,1%), сондай-ақ киім өндірісінде (0,8%) байқалады. Бұл туралы «QazIndustry» Қазақстандық индустрия және экспорт орталығының Жеңіл өнеркәсіп, ағаш өңдеу, жиһаз өнеркәсібін және құрылыс материалдары өндірісін дамыту дирекциясы хабарлады.

Тоқыма өнімдерін өндіруде (+23,5%) барынша ұлғаю мынадай тауарлар бойынша болды: мақта, кардо - және тарақталған (53,8% - ға), киіз және киіз, оның ішінде жабыны бар, сіңдірілген немесе ламинатталған (23,9% - ға), тоқыма емес материалдар және киімнен басқа, тоқыма емес материалдардан жасалған бұйымдар (23,6% - ға) және т. б.

Былғары және оған жататын өнімдер өндірісінде (+2,2%) мынадай тауарлар бойынша ұлғаю байқалады: ірі қара малдың терісінен немесе түгі алынған жылқы тұқымдас жануарлардың терісінен жасалған былғары (41,3% - ға).

Жеңіл өнеркәсіп нарығының көлемі $3 588,0 млн құрады, мұнда ОТП үлесіне 8,1%, импорттық өнімнің үлесіне 91,9% келеді. Жеңіл өнеркәсіп өнімдерін өндіру бойынша қазақстандық өңірлер арасында көшбасшылар өткен жылмен салыстырғанда өзгерген жоқ. Бұл Түркістан облысы (29,9%), Шымкент қаласы (11,7%), Алматы облысы (8,1%) және Ақмола облысы (7%).

2025 жылы жеңіл өнеркәсіп өнімінің экспортының көлемі $205,7 млн құрады, бұл 2024 жылдың сәйкес кезеңімен салыстырғанда 11,6% - ға төмен. Қазақстан үшін негізгі экспорттық нарықтар ТМД елдері болды. Жеңіл өнеркәсіп өнімдері импортының көлемі $3 296,1 млн құрады, бұл 2024 жылдың сәйкес кезеңімен салыстырғанда 19,6% - ға төмен.

2025 жылы саланың негізгі капиталына салынған инвестициялар 40 млрд теңгеге жетті, бұл 2024 жылдың сәйкес кезеңімен салыстырғанда үш есе артық. Жалпы құны 24,3 млрд теңге болатын, 600-ден астам жұмыс орнын құрумен 13 жоба іске қосылды.