Омбы қаласында Ресей мен Қазақстанның аймақаралық ынтымақтастық форумы өтті.
«QazIndustry» Қазақстандық индустрия және экспорт орталығы» АҚ Басқарма төрағасы Әлішер Әбдіқадыров қазақстандық делегация құрамында Ресей Федерациясының Омбы қаласында 6-7 қарашада өткен «Шекара маңы ынтымақтастығын дамытудың өзекті мәселелері» тақырыбындағы Қазақстан мен Ресейдің XVI аймақаралық ынтымақтастық форумына жұмыс сапарымен барды.
Ресейлік-қазақстандық халықаралық форум екі жақты қарым-қатынастарды нығайтуға, іскерлік байланыстарды әртараптандыруға және екі мемлекеттің билігі мен бизнес өкілдерінің қарым-қатынасына арналған тиімді алаң болып табылады.
6 қарашада Форумның бес панельдік сессиясының оырыстары өтті, онда Еуразия, өнеркәсіп, шикізаттық емес экспортты дамыту, цифрлық трансформация және әйелдер кәсіпкерлігіне назар аудара отырып, шекара маңы саудасы мәселелері талқыланды. Сондай-ақ, Форум қатысушылары шекара маңы ынтымақтастығын дамыту бойынша тиімді іс-шараларды талқылады.
Форум шеңберінде «Жоғары технологиялар: Қазақстан мен Ресей аймақтарының мүмкіндіктері» тақырыбында көрме өтті, оған 17 қазақстандық компания қатысты.
7 қарашада Ресей мен Қазақстан Президенттерінің қатысуымен пленарлық отырыс өтті, одан кейін Мемлекет басшыларының қатысуымен екіжақты құжаттарға қол қойылды.