Қазақстанда ҚР Үкіметінің, ҚР Денсаулық сақтау министрлігінің және «Атамекен» ҚР Ұлттық Кәсіпкерлер палатасының бастамасымен GLOBAL PHARM I Халықаралық фармацевтикалық форумы өтті.
Іс-шараға «ҚР халықаралық фармацевтикалық өндірушілер қауымдастығы» ЗТБ өкілдері, дәрілік препараттарды әзірлейтін және өндіретін ірі шетелдік және отандық компаниялар, сондай-ақ IQVIA халықаралық талдау агенттігінің өкілдері қатысты.
Форумның екінші сессиясы Қазақстандағы фармацевтикалық бизнесті дамытуға арналды, онда қатысушылар пандемия және әлемдік қаржы дағдарысы кезеңінде отандық фармацевтикалық өнеркәсіпті дамыту, инвестициялар тарту және жеке шикізат базасын дамыту, нарықтың негізгі ойыншыларының пайымы және отандық фармацевтикалық индустрия үшін мүмкіндіктері мәселелерін талқылады.
Осы сессияда спикер ретінде сөз сөйлеген Оңтүстік Қазақстан фармацевтикалық кластерінің Президенті Нұрмашев Бекайдар фармация саласындағы кластерлік саясаттың пилоттық жобасын іске асыру туралы баяндады.
Спикердің айтуынша, келесі жылы фармацевтикалық кластер екі жобаны жүзеге асыруға кіріседі. Шымкентте Оңтүстік Қазақстан медицина академиясы берген жер учаскелерінде зерттеулер мен әзірлемелер орталығы, сондай-ақ оқу-өндірістік дәріхана құрылады.
Форум жұмысының соңында қатысушылар Қазақстанның фармацевтикалық саланы дамытуға, өршіл мақсатқа – елдегі меншікті фармацевтикалық өндіріс үлесін 50% - ға дейін арттыруға барлық мүмкіндіктері бар деген пікірге келді.
Сонымен қатар, тараптар өзара ынтымақтастыққа, инвестициялық өзара іс-қимылды кеңейтуге және Қазақстанның фармацевтика саласындағы технологиялар трансферті арқылы өндірісті оқшауландыруға қызығушылық білдірді.

Анықтама:
«QazIndustry» Қазақстандық индустрия және экспорт орталығы» АҚ өңірлерді дамыту шеңберінде Қазақстан Республикасының кластерлік даму мәселелері бойынша жұмысты ұйымдастыруға және үйлестіруге, оның ішінде кластерлердің жай-күйіне мониторинг жүргізе отырып, кластерлік бастамалардың тізілімін жүргізуге уәкілетті.
Оңтүстік Қазақстан өңірінде фармацевтика өнеркәсібінің дамуы бірегей өсімдік шикізатының болуының арқасында 1823 жылы басталды. Кеңес Одағы кезінде аймақта білім беру және ғылыми фармацевтикалық инфрақұрылым дамыды.
Кластердің салалық тиесілілігі дәрілік заттарды (ДЗ), ББҚ және медициналық мақсаттағы бұйымдарды (ММБ) өндіру, сондай-ақ фармацевтикалық препараттарды көтерме және бөлшек саудада сату болып табылады.
Кластер құрамында барлығы 17 ШОБ субъектісі бар, оның ішінде өндірушілер «Химфарм» АҚ, «Зерде-Фито» ЖШС, «Планта» ЖШС, «Казмедприбор» ЖШС, «ЭкоФармИнтернейшнл» ЖШС және«Рауан ҒӨО» ЖШС.
Кластер шеңберінде келесі өнімдер шығарылады: таблеткалық, инъекциялық нысандағы және өсімдіктен алынатын дәрілік заттар, диеталық қоспалар, медициналық бұйымдар, жиһаз және мамандандырылған техника.