Басқарушы орган

Қоғам Басқармасы

"Қазақстандық Индустрияны дамыту институты" акционерлік қоғамының Басқармасы алқалы атқарушы орган болып табылады, оның құзыретіне Заңмен, Қазақстан Республикасының өзге де заңнамалық актілерімен және "QAZINDUSTRY" АҚ Жарғысымен "QAZINDUSTRY" АҚ-ның басқа басқару органдарының құзыретіне жатқызылмаған "QAZINDUSTRY" АҚ қызметінің барлық мәселелерін шешу жатады. "QAZINDUSTRY" АҚ Басқармасы акционерлердің жалпы жиналысы мен Директорлар кеңесінің шешімдерін орындауға міндетті. Басқарманың негізгі міндеттері "QAZINDUSTRY" АҚ қызметінің стратегиясы бойынша ұсыныстар әзірлеу, "QAZINDUSTRY" АҚ Қаржы-шаруашылық саясатын іске асыру, оның ағымдағы шаруашылық қызметінің маңызды мәселелері бойынша шешімдер әзірлеу және оның бөлімшелерінің жұмысын үйлестіру, бақылау жүйесінің және тәуекелдер мониторингі жүйесінің тиімділігін арттыру, акционерлердің құқықтары мен заңды мүдделерін қамтамасыз ету болып табылады.

СвернутьРазвернуть

Бекенов Берік Темірғалиұлы

«QazIndustry» Қазақстандық индустрия және экспорт орталығы» АҚ Басқарма төрағасы

1980 жылы 19 қазанда туған.

Қазақ аграрлық университетін (2002) және Алматы экономика және статистика академиясын (2005) тәмамдаған.

Еңбек жолын 2002 жылдың желтоқсанында ҚР Индустрия және сауда министрлігінің Индустриялық саясат департаменті жалпы машина жасау бөлімінің жетекші маманы міндетін атқарушы қызметінен бастаған.

2003 және 2012 жылдары аралығында министрлікте жетекші маман, бас маман, бөлім бастығы, басқарма бастығы, департамент директорының орынбасары тәрізді түрлі қызметтерді атқарды.

2012 жылдан 2017 жылға дейін Индустрия және инфрақұрылымдық даму министрлігінің Стратегиялық жоспарлау департаментінің директоры болған.

2017 жылдың шілдесінен 2018 жылдың қазан айына дейін «Қазақстандық индустрияны дамыту институты» АҚ басқарма төрағасы болып сайланды.

2018 жылдың қараша айынан 2019 жылдың сәуір айына дейін ҚР Президенті Әкімшілігі Басшысының хатшылығы меңгерушісінің орынбасары қызметін атқарған.

2019 жылдың тамызынан 2020 жылдың ақпанына дейін ҚР Тұңғыш Президенті – Елбасы қорының талдау және жоспарлау орталығы басшысының орынбасары болды.

2020 жылдың ақпанынан бастап «QazIndustry» Қазақстандық индустрия және экспорт орталығы» АҚ басқарма төрағасы болып сайланды.

QazIndustry, сондай-ақ компанияның жеткізушілері мен бәсекелестері акцияларына иелік етпейді. Қоса атқаратын жұмысы жоқ.

Шакимов Алибек Тимуржанұлы

Басқарма төрағасының орынбасары

Өңірлерді дамыту дирекциясы, экономикалық интеграция дирекциясы, жобаларды іске асыруға мониторинг жүргізу және талдау дирекциясы, индустриялық саясат дирекциясы, АЭА және ИА дамыту дирекциясы, өтінімдерді өңдеу және сараптау дирекцияларының қызметтеріне жетекшілік етеді.

Алибек Шакимов Ломоносов атындағы Мәскеу мемлекеттік университетін, Мәскеу қ., РФ (экономика), ҚР Президенті жанындағы Мемлекеттік басқару академиясын, Астана қ., ҚР (Мемлекеттік басқару), Lummus Technology KPI training programs, Мюнхен қ., Германия (өндірістегі еңбек өнімділігін жетілдіру), Zeman Technology, Вена қ., Австрия (өндіріс технологиялары металл конструкциялары) білім алған.

Еңбек жолын 2007 жылы бастаған. Әр жылдары ҚР Экономика және бюджеттік жоспарлау министрлігінің Мемлекеттік басқару жүйесін дамыту департаментінде; БҚО Экономика және бюджеттік жоспарлау басқармасында; ҚР Қоршаған ортаны қорғау министрлігінің құқықтық қамтамасыз ету және халықаралық ынтымақтастық департаментінде, Халықаралық экологиялық стандарттарды енгізу департаментінде, қоршаған ортаны қорғауды реттеудің экономикалық құралдары департаментінде, жасыл технологиялар және инвестициялар тарту департаментінде, сондай-ақ, бизнес құрылымдарда (2012-2023 жылдары «Алтим» корпорациясы» ЖШС Бас директоры болған) қызмет атқарған.

Тағайындалғанға дейін «Бәйтерек» ҰБХ «Қазақстандық тұрғын үй компаниясы» АҚ Басқарушы директоры болып жұмыс істеді.

Директорлар кеңесінің 2023 жылғы 27 желтоқсандағы шешімімен Алибек Тимуржанұлы Шакимов «QazIndustry» Қазақстандық индустрия және экспорт орталығы» АҚ Басқарма төрағасының орынбасары болып тағайындалды.

QazIndustry, сондай-ақ компанияның жеткізушілері мен бәсекелестері акцияларының иесі болып табылмайды. Қосымша атқаратын жұмысы жоқ.

Қожахметов Айдар Бауыржанұлы

Басқарма Төрағасының Орынбасары

Машина жасау саласын дамыту дирекциясы, жеңіл, Жеңіл өнеркәсіп, ағаш өңдеу, жиһаз өнеркәсібін және құрылыс материалдары өндірісін дамыту дирекциясыЖергілікті қамтуды дамыту және мониторинг жүргізу дирекциясы, ТМК және химия саласын дамыту дирекциясы, Ірі кәсіпорындардың айналасында ШОБ белдеуін құру жөніндегі дирекцияларының қызметін үйлестіреді.

Айдар Қожахметов Қазақ ұлттық техникалық университетін және МИСиС ғылым және технологиялар университетін бітірген. Техника ғылымдарының магистрі.

Еңбек жолын 2014 жылы бастаған. Әр жылдары «МИСиС» Ұлттық технологиялық зерттеу университеті» жоғары кәсіптік білім берудің федералды мемлекеттік дербес білім беру мекемесінде (Ресей Федерациясы) жұмыс істеді; ҚР ИИДМ Индустриялық даму және өнеркәсіптік қауіпсіздік комитетінің қара металлургия және көмір өнеркәсібі басқармасының сарапшысы, бас сарапшысы; ҚР ИИДМ Индустриялық даму және өнеркәсіптік қауіпсіздік комитетінің Салааралық үйлестіру басқармасының бас сарапшысы; ҚР ИИДМ Индустриялық даму және өнеркәсіптік қауіпсіздік комитетінің түсті металлургия және сирек металдар басқармасының бас сарапшысы, басшысы.

Тағайындалғанға дейін ҚР ЖПҚ өнеркәсіп Комитетінің Қара металлургия басқармасының басшысы болып жұмыс істеді.

Директорлар кеңесінің 2024 жылғы 18 маусымдағы шешімімен Айдар Бауыржанұлы Қожахметов «QazIndustry» қазақстандық индустрия және экспорт орталығы» АҚ Басқарма төрағасының орынбасары болып тағайындалды.

Көпбаев Махмұд Серікбекұлы

Басқарма төрағасының орынбасары

Ақпараттық технологиялар дирекциясы, Цифрлық трансформация дирекциясы, Деректерді өңдеу және талдау дирекцияларының қызметтеріне жетекшілік етеді.

Көпбаев Махмуд Серікбекұлы Л.Н.Гумилев атындағы Еуразия ұлттық университетін «Ақпаратты өңдеу және басқарудың компьютерлік жүйелері» мамандығы бойынша және Т. Рысқұлов атындағы Қазақ экономикалық университетін «Экономика» мамандығы бойынша бітірген.

Еңбек жолын 2004 жылы бастаған. Әр жылдары ҚР Білім және ғылым министрлігінің Білім беру мен тестілеудің мемлекеттік стандарттарының ұлттық орталығында жетекші маман, Қазақстан Республикасы Президенті Іс басқармасының «ҚР Президенті Әкімшілігі мен Үкіметінің әкімшілік ғимараттары дирекциясы» РМҚК жүйелік және техникалық қамтамасыз ету секторында инженер болып жұмыс істеді.

Ұзақ мерзім ҚР Қаржы министрлігінің Цифрландыру және мемлекеттік қызметтер департаментінде, Ақпараттық технологиялар департаментінде әртүрлі лауазымдарда (бас маман, департамент директорының орынбасары, департамент директоры) жұмыс істеді.

2018 жылы «Ақпараттық-есепке алу орталығы» АҚ-да ІТ және ақпараттық қауіпсіздік мәселелері бойынша вице-президенті қызметін атқарды. Содан кейін «Кедентранссервис» АҚ Ақпараттық технологиялар қызметінің директоры болып жұмыс істеді.

QazIndustry-ге тағайындалғанға дейін «Электрондық қаржы орталығы» АҚ басқарушы директоры, жобалық әкімшілендіру департаментінің директоры қызметін атқарған.

Директорлар кеңесінің 2024 жылғы 30 шілдедегі шешімімен Көпбаев Махмуд Серікбекұлы «QazIndustry» Қазақстандық индустрия және экспорт орталығы» АҚ Басқарма төрағасының орынбасары болып тағайындалды.

Дауешов Марат Еркінұлы

Аппарат басшысы – Басқарма мүшесі

Әкімшілік және құқықтық жұмыс орталығының, Экономика және қаржы орталығының және Корпоративтік даму орталығының қызметтеріне жетекшілік етеді

Марат Еркінұлы Дәуешов Туполев атындағы Қазан мемлекеттік техникалық университетін «Инженер-механик» мамандығы бойынша, 2003 жылы - Орталық Азия университетін «Заңгер» мамандығы бойынша, 2019 жылы - Қазақстан Республикасының Тұңғыш Президенті - Елбасы атындағы Ұлттық қорғаныс университетін тәмамдаған.

Жалпы еңбек өтілі шамамен 29 жылды құрайды, оның 16 жылы басшылық лауазымдарда.

Әр жылдары Ақмола облысы әкімінің Шағын кәсіпкерлікті қолдау департаментінде, «Қазақстан Республикасы Президенті Әкімшілігінің, Қазақстан Республикасы Парламенті мен Үкіметінің, Қазақстан Республикасы Президенті Іс басқармасының әкімшілік ғимараттарына қызмет көрсету дирекциясы» РМК, Қазақстан Республикасы Мемлекеттік қызмет істері агенттігінде, Қазақстан Республикасы Президенті Әкімшілігінде жұмыс істеді.

М.Е. Дәуешов Қазақстан Республикасы Президенті Кеңсесінің сектор меңгерушісі, Қазақстан Республикасы Президенті Әкімшілігінің Мемлекеттік қызмет және кадр саясаты бөлімінің сектор меңгерушісі, Қазақстан Республикасы Мемлекеттік қызмет істері агенттігі аппаратының басшысы, Қазақстан Республикасы Президенті Әкімшілігінің Мемлекеттік қызмет және кадр саясаты бөлімінің меңгерушісі, Қазақстан Республикасы Мемлекеттік қызмет істері агенттігі төрағасының орынбасары қызметтерін атқарды.

Тағайындалғанға дейін «QazIndustry» Қазақстандық индустрия және экспорт орталығы» АҚ Басқарма төрағасының орынбасары қызметін атқарған.

Директорлар кеңесінің 2023 жылғы 27 желтоқсандағы шешімімен Дәуешов Марат Еркінұлы «QazIndustry» Қазақстандық индустрия және экспорт орталығы» АҚ Аппарат басшысы болып тағайындалды.